OSTIARIUS

OSTIARIUS
secundus ordo in Ecclesia, iuxta Hieronymum. Isidor. Iun. Ad Ostiarium pertinent claves Ecclesiae, ut claudat et aperiat templum Dei, et omnia, quae sunt intus, extraque custodiat, fideles excipiat, excommunicatos et infideles proiciat. Hieronymus, Secundus Ostiariorum Locus est, qui claves regni caelorum tenent; quae Patriarchis dantur, quoniam praesunt portis Hierusalem, atque inter bonum et malum habentes iudicium aperiunt quod nemo claudit, et claudunt; quod nemo aperit. Vide Alcuin. et Spelmann. Glossar. Archaeol. Vox e saeculo desumpta. Erant enim apud Romanos servi hôc nomine insignes, quod, ostii custodes, ad illud more antiquô catenis religati essent, ut refert Sueton. l. de claris Rhetorib. c. 3. Ovid. Amor. l. 1. El.
6. v. 1.
Ianitor indigne durâ religate catenâ
Difficilem motô cardine pande forem.
Hinc Afranium, Festus et Nonius aiunt sic in Vopisco scripsisse, Hostiarii impedimenta titinnire audio. De iis scite admodum et facete Plautus in Asinaria, Actu 2. sc. 3. v. 6.
——— Nolo ego fores conservas meas
Ate verberarier: sane ego sum amicus nostris aedibus.
ME. Pol! haud periclum est, cardines ne foribus effringantur,
Si istôc exemplô omnibus, qui quaerunt, respondebis.
LI. Ita haec morata ianua'st, extemplo Ianitorem
Clamat, procul si quem videt ire ad se calcitronem.
Officium illorum pulchre explicant Salvianus de Provid. Dei l. 3. Vide quoque Senecam de Ira l. 3. c. 37. de Tranquill. vitae c. 11. Varronem l. 1. de R. R. c. 13. Plin. l. 12. c. 14. Ulpianum Leg. 12. §. Idem respondit. ff. de instr. et §. 9. eod. tit. Alfenum l. 61 ff. de Legat. l. 3. etc. Quo autem ignoti ingressu aedium arcerentur, non longe ab Ostiarii cella, canis ingens, cateuâ itidem vinctus, in paricete pictus erat, superque quadratâ literâ iscriptum. CAVE CANEM, ut ex Petroni Satyr. discimus. Nam ex edicto Aedilium (l. hi enim; cum seqq. ff. de Aedilitio edicto) canem mordacem ita habere, ut cuiquam nocere vel damnum dare posset, non licebat. Vide Auson. Popmam Coniectan. in Varronis Satyras Menippeas, Tit. Popmam de Operis Servorum, et supra in voce Ianitor. Apud Imperatores Romanos citerioris aevi, iuxta Salmas. Cancellarii olim, ad cancellos suos sedentes, admissiones et ingressus ad Iudicem, ut sine confusione et tumultu fierent, curabant, Iudici praesentandos admittebant, responsa Iudicum
exsecutione mandabant, et idem plane sustinebant officium, quod hodie solent in Curiis Regis, qui Hussiers, h. e. Ostiarii, dicuntur, ad Vopisc. Carino c. 16. CErte qui ad velum stabat, Cancellarius: nam Ostiariorum id potissimum munus fuit. Monachus Sangallensis de Carolo M. l. 1. c. 20. Tunc dixit nominatus, non revera Episcopus, ad Ostiarium vel Scarionem suum, cuius dignitatis aut ministerii viri, apud antiquos Romanos, Aedilitiorum nomine censebantur. Palatii autem Ostiarius, primus inter Ministeriales Palatinos, qui maioribus ministeriis suberant, statuitur ab Hincmaro de Ordine Palatti c. 17. E quibus aliquot recensentur, scil. Goterannus magnificus Ostiarius, in Ep. Hadriani Pontisicis Romani 92. Godicis Carolini. Francolinus, Ostiarius Regis, apud Odorannum in Chron. A. C. 1031. Gerungus, summus sacri Palatii Ostiarius, apud Frotharium Tullensem Ep. 2. 4. etc. Apud eundem Hincmarum in append. ad Flodoardum, Atho Ostiarius Caroli magni, memoratur. Ostiariorum Magister, apud Eginhardum A. C. 822. Βασιλικὸς ὀςτιάριος καὶ λογοθέτης τοῦ ςτρατιωτικοῦ λογοθεσίου, in VII. Synodo Act. 1. In Ecclesia Lat. Ostiario primum gradum Ordinis Ecclesiastici, assignat Car. du Fresne Glossar. apud quem vide Auctores in hanc rem complures. De quorum ordinatione ista habet Ordo Romanus et Liber Sacramentorum Gregorii: Ostiarius, cum ordinatur, postquam ab Archidiacono instructus fuerit, qualiter in domo Dei debeat conversari, ad suggestionem Archidiaconi tradat ei Episcopus claves Ecclesiae, dicens, sic age quasi redditurus Deo rationem pro his rebus, quae istis clavibus recluduntur, et tradat ei Diaconus ostium Ecclesiae. Hinc Ostiariatus, in Tabulario S. Bertini, i. e. Ostiarii ordo, de quo etiam aliquid, in voce Ordinatio. Leoni Ostiensi, velum ad ostium aedis sacrae, Ostiale seu Ostiarium, dicitur l. 1. c. 58. etc. Sed et Templo Hierosolymitano sui erant Θυρωροὶ seu Ostianii, quorum frequens mentio in Vet. Testamento: Vide infra Pontificalis dignitas: nec non Ecclesiae primitivae, sub Novo, quorum meminit can. 24. Laodicenus; aliter Πυλωροὶ quoque dicti, ut patet ex Nomocanone Photii c. 31. Cuiusmodi Πυλωροὶ in magna Ecclesia Constantinopoli erant septuaginta quinque, ut legitur in
Heraclii Aug. Novella in Bibl. Iuris Can. p. 1367. Alias tres numerô recenset Constantinus Cabasilas Quaesitis ad Ioannem Citri Episc. Quorum munus, custodire portas Templi ἵνα μή τις τῶ ἀσεβῶν ἐπὶ κατασκοπῇ καὶ χλεύῃ τῆς Ε᾿κκλησίας ἐισέλθῃ, καὶ ἵνα μή τις τῶ ἔνδον Χριςτιανῶν ὑπὸ ῥαθυμίας ἐξελθεῖν δύνηται πρὸ καιροῦ, Ut ne quis impiorum ad speculationem et ludibrium Ecclesiae intret, et, ne quis illorum, qui intus sunt, Christianorum, per negligentiam exire possit ante tempus, Metrophanes Critopulus Confess. Eccl. Orientalis c. 11. apud Clar. Suicerum Thesaur. Eccl. voce Θυρωρὸς, ubi et de metaphorico eius significatu, in Sacris, et apud Scriptores Ecclesiast. varia. Faciunt huc illa Isidori: Ad Ostiarium pertinent claves Ecclesiae, ut claudat et aperiat templum Dei —— fid eles recipiat, excommunicatos et infideles reiciat etc.

Hofmann J. Lexicon universale. 1698.

Look at other dictionaries:

  • Ostĭarĭus — (lat.), der Türhüter, Pförtner bei den Römern; Ostiarii (janitores) hießen in der alten christlichen Kirche die untersten Geistlichen als Türhüter, Sakristane, Glöckner, später Kirchner. S. Ordo …   Meyers Großes Konversations-Lexikon

  • Ostiarius — Ostiarĭus (lat.), Türhüter, Pförtner; in der alten christl. Kirche die untersten Geistlichen (Sakristane, Glöckner) jetzt noch der unterste Grad der vier niedern Weihen (s. Ordines) …   Kleines Konversations-Lexikon

  • Ostiarius — An ostiarius, a Latin word sometimes anglicized as Ostiary but often literally translated as porter or doorman, originally was a servant or guard posted at the entrance of a building. See also gatekeeper. In the Roman Catholic Church, this porter …   Wikipedia

  • Ostiarius — Ein Ostiarius (lat. von ostium = Tür, eingedeutscht Ostiarier; auch Janitor) war die Bezeichnung eines Türstehers im Römischen Reich. Dieser war meist ein Sklave, der von seiner cella ostiaria (etwa: zur Tür gehörige Kammer) aus den Hauseingang… …   Deutsch Wikipedia

  • Ostiarius — [hostiarius] Usher or doorkeeper, usually of *minor orders. By the late 13c, the ostiarius had become a member of the hanaper responsible for rendering accounts where he was next below the controller, himself next below the *chancellor. Cf.… …   Dictionary of Medieval Terms and Phrases

  • Ostiarius — Os|ti|a|ri|er, der; s, , Os|ti|a|ri|us, der; , ...ier [lat. ostiarius = Türhüter, zu: ostium = Tür] (kath. Kirche veraltet): Kleriker des untersten Grades der niederen Weihen …   Universal-Lexikon

  • ostiarius — noun the lowest of the minor Holy Orders in the unreformed Western Church but now suppressed by the Roman Catholic Church • Syn: ↑doorkeeper, ↑ostiary • Hypernyms: ↑clergyman, ↑reverend, ↑man of the cloth, ↑Holy Order, ↑Order …   Useful english dictionary

  • Romanus Ostiarius — Infobox Saint name= Saint Romanus Ostiarius birth date= death date=circa 258 feast day= August 9 venerated in= Roman Catholic Church imagesize= caption= birth place= death place= titles=Martyr beatified date= beatified place= beatified by=… …   Wikipedia

  • ОСТИАРИЙ —    • Ostiarĭus          и Ostĭum, см. Domus, Дом, 7 …   Реальный словарь классических древностей

  • Chequers — This article is about the British Prime Minister s residence. For the board games, see Draughts. For other uses, see Checkers (disambiguation). Coordinates: 51°44′36″N 0°46′56″W /  …   Wikipedia

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.